Urte Berria - DUNATE

Egun guziek dute zabaltzen bidea,

Galdeginez deneri aintzina juaitea.

Urte berriak dauku egiten hastea,

Eskainirik deneri haren ganatzea.

Jesus Jauna hor dugu indar emailea,

Hautatua ukanik gutan bizitzea.

Segur gira harekin zuzen ibiltzea

Eta denen alderat ongi egitea.

Egun oroz gurekin haren ukaitea

Dugu beldur guzien ezeztatzailea,

Hotztasun guzietan oneratzailea,

Bihotz idortasunen eztiratzailea.

Zerbitzari nahi du egin izaitea

Denek ukan dezagun biziratzailea,

Harekilan eginez lanari lotzea,

Zuzenean lurraren erreberritzea.

Haren aldean dagon adoratzailea

Dago ere harekin bake piztailea.

Hola erran ditake zer den sinestea,

Harek galdeginetan barna ibiltzea.

Jaunaren ganik dugu ukaiten urtea,

Bizi behar ukanez bakotxak berea,

Ongiari emanez izari betea,

Begiratuz bihotza itzalik gabea.

Abbé Dunate