Egun handienetan dugu Eguberri - DUNATE

Egun haundienetan dugu Eguberri

    Daukulakotz Haurño bat gutartean jarri,

    Beharrean orori ezagut-arazi

    Nola zaukun Jainkoa eman munduari.

    Apaltasun osoan dagon Haurño hori

    Jainko Boteretsua dugu egiazki,

    Maitasunez emana beharrez ekarri

    Bizirako argia hari daudeneri.

    Zabal-ozu etxea dezazun ikusi

    Familientzat dela maitasun izerdi,

    Urustasun iturri, batasun lokarri,

    Leialtasun guzien zimendu segurki.

    Gurekin bat eginez, eta gu iduri,

    Bere ganatzen gaitu nahiz hel-arazi

    Harekin izaiterat denen zerbitzari,

    Bake-ta zuzentasun finkatzaile haundi.

    Izan ahal ditake harekilan bizi

    Erran ditueneri izanez jarraiki,

    Hura hartuz bizian gogoen hazkurri,

            Egun guzietako urratsen gidari.

Abbé Dunate