Emana zaukuna da dugun Jesus Jauna - DUNATE

Gure ganat jitean

                        zer dauka gogoan,

        Bizi Denaren Seme 

                        beti izanean ?

        Gure ganat jitean

                        dauka bihotzean

        Sartuz gure itxuran,

                        zinez girenean,

        Guzien finkatzea

                        gogo zuzenean,

        Libertatea piztuz

                        bihotz guzietan,

        Egia-ta Bakea

                        mundu zabalean.

        Zeren ondotik dago

                        gure ganatzean,

        Ez dagolarik segur,

                        deusen eskasean ?

          Bere nahian duke,

                        gure ganatzean,

        Gurekin bat eginez

                        gizatasunean

        Gu berekin hartzea

                        Jainkotasunean.

        Gure ganat jaustean

                        nahi dauku erran

        Nola gaituen hartzen

                        maitasun betean.

Abbé Dunate